Barakaldoko suminduen adierazpena
Milaka arrazoi eta ehundaka zergaiti dauzkagu udaletxe honen eta alkate honen aurrera etortzeko. Gure haserrea adierazi nahi dugu Barakaldar herritarrok sufritzen eta bizitzen ari garen egoeraren aurrean.
Udaletxe honetan erabakiak hartzen dituzten eta karguak hartzen dituzten politikoek ez gaituzte ordezkatzen, gure hiriko bizilagunen beharrak jagoten ez dituztelako.
Gure suminaren arrazoiak ekonomikoak dira, herri honetan enplegurik sortzen ez delako. Lanpostuak bermatu eta defendatzen ez direlako, ezta erregulazio espedienteengatik, kaleraketengatik eta itxierengatik arriskuan dauden herritarren lanpostuak ere. Herri honetan laguntza gehien behar dutenen laguntzak murrizten direlako: baztertuak, txiroak, emakumeak, gazteak, haurrak, minusbaliatuak, etxe-gabeak eta jantoki sozialetara doazenak. Zoruaren espekulatzaileak bakarrik babesten dira, hau da, etxegileak eta bestelako lan publikoekin aberasten direnak. Baita kontsumismo basatia eta enplegu prekarioak sustatzen dituzten komertzioko multinazional handiak. Gu ez gara zuen eskuetan dagoen merkantzia bat.
Gure suminaren arrazoiak sozialak dira, hezkuntzak, osasunak eta orokorrean zerbitzu publiko, sozial eta kulturalek jasaten ari diren narraipen, pribatizazio eta murrizketetatik aparte ez bait gaude. Guk nahi duguna pertsonen garapen osoa ahalbidetzen duten zerbitzu publikoak bait dira. Zerbitzu horiek desberdintasunen aurka egitea nahi dugulako, ez beraien bidez, erakunde pribatuek eta kargu politikoek entxufatutako kontratistak onuratzea. Benetako aldaketak nahi ditugu, zerbitzu publikoek pertsona askeagoak izaten laguntzea eta pertsonalki, lanari dagokionez, fisikoki, intelektualki, kulturalki eta artistikoki garatzeko benetako aukerak ematea nahi dugu.
Gure suminaren arrazoiak politikoak ere badira, Benetako Demokrazia Orain nahi dugulako. Korporazioetan benetako partaidetza demokratikoa nahi dugu eta kargu politikoek pribilegio ekonomikoak izan ez ditzatela: soldata altuak, ustelkeria eta botere abusuak bukatu egingo dira. Erabakiak hartzeko orduan gure iritziak kontutan hartzea nahi dugu. Guri eragiten gaituzten gauzei buruz erabaki ahal izatea nahi dugu. Bulegoetan hartzen diren erabaki eta neurrien gainetik eta burutzen diren negoziazio ezkutuen gainetik, gardentasuna gailentzea nahi dugu. Gu entzunak izatea parte hartzea nahi dugu, denon artean Barakaldo hobeago bat eraikiz. Berton bizi garenon beharrak asetu nahi ditugu, hori lortzeko beharra bait daukagu eta hori posible izan dadin borrokan bait diardugu.
Barakaldoko suminduak
2011ko ekainak 11
