Barakaldo, 28 may 2019. Oharra. Barakaldoko berbalagunek etxeko jantzizko (trapillozko) kaxatxoak egingo dituzte mingaina astindu eta tarte on bat pasatzeko. Ohi bezala, euskaraz arituko dira eta gainerako barakaldarrak gonbidatu nahi dituzte eskulan interesgarri honetara. Jarduera hau Gurutzetako Zentro Zibikoan antolatu dute ekainaren 13 eta 20an (bi saio dira), 18:00etan. Javi Leon berbalagunak gidatutako ekimen honetan parte hartu nahi baduzue, izena eman behar da ekainaren 11 baino lehen 678 626 567 telefonora deituta edota barakaldo_berba@aek.eus helbidera idatzita.
