Oharra. Sasiburu elkartekook hurrengo egunetarako zenbait jarduera antolatu dugu: garagardoari buruzko hitzaldia, Laugar garagardo fabrika ezagutzeko txangoa eta diaporama bat. Oraingoan ekainaren 1ean, osteguna, antolatu dugun ekintzaren berri eman nahi dizugu: 'Tadjikistanen txirrindulaz' diaporama. Gizakume batzuk nahiko abenturazaleak dira eta beste herrialde urruti batzuk era berezian ezagutzeko gogoa daukate, hauxe da bikote protagonista honen istorioa.Irakur ditzagun protagonista bietako baten hitzak: "Dushanben nago jeep baten sabaiaren gainean bizikletak bidaia neketsu eta luze baterako prestatzen. Inguruan, gizon ugari bildu dira niri begira, jakin-minaz. Ez, Tadjikistanen ez da ohikoa emakume bat horrelakoak egiten ikustea eta horrexegatik igo naiz ni gora. Txapazko talaia horretatik gizonezko mundu horri bideratutako berdintasun adierazpenaren mezulari bihurtu naiz". Noiz: Ekainaren 1ean, osteguna, 19.00ean. Non: San Bizenteko kultur etxea
