Gineako hiriburutik Nzerekorera mila eta hirurehun bat kilometro daude. Ibrahima han ibili zen hiru edo lau urtez, kamioi batean, gidari batek aprendiz onartu zuelako. Aste batean Konakrytik Nzerekorera joaten ziren, eta hurrengo astean Konakryra itzuli. Egun batean amak deitu zuen arte: anaia txikia falta zen etxean. Eta haren bila abiatu zen. Basamortua gurutzatu; pasatzaile, polizia, bahitzaileekin topo egin; egarria, gosea, mina ezagutu. Afrikatik Europarako bidea. Mediterraneoa zeharkatzen dutenak deshumanizatzea ezinbestekoa da haien heriotzen, kanporatzeen, ilegalizatutako bizitzen gaineko ezaxola zabaltzeko. Baina bizitza horietako bakoitza bakarra da eta, beraz, unibertsala. Eta kontatzeak hori azpimarratzen du. Ibrahima Balderen bizitzaren kronika da nobela hau, hark ahoz eta Amets Arzallusek letraz idatzia. Berezia duelako zauria, eta berezia kontatzeko manera. Hitz egitean han balego bezala.
* Enlace al texto en la web original
Este texto es un comunicado de Ezkerraldeko Berbalagunak
![](https://www.pinterest.com/pin/create/button/?url=https://barakaldodigital.blogspot.com/2020/09/barakaldoko-irakurzale-klubak-hitzordua.html&media=https://blogger.googleusercontent.com/img/b/R29vZ2xl/AVvXsEh1OHk8PUZV3MMVvCvN1qsF6uNY9H7tJ9BO4CjFaeNXx6MIaGMMcGvQWjQQ_O6zpr1ZtAhNWmQxiBilIX-bMLrFqTpdZaa0HxGRwkSKqbb2kYsGp2rByESDuawLXFX0uV_oHwZl/w452-h640/Mi%25C3%25B1an+Amets+Arzallus+solasaldia_page-0001%25281%2529.jpg&description=Barakaldoko Irakurzale klubak hitzordua du "Miñan" liburuaz aritzeko){kind=link}