Oharra. Urrian hasiko da Mundu bat bertso egitasmoa Ezkerraldeko ikastetxeetan ere. Bizkaiko Bertsozale elkartearen eskutik, Barakaldo, Sestao eta Santurtziko udalei eta ikastetxeei esker lehen hezkuntzako bosgarren eta seigarren mailako 1.139 ikaslek landuko dute bertsolaritza ikasgelan. 20 Ikastetxe dira proiektuan parte hartuko dutenak.
Ahozkotasunetik abiatuz, hizkuntza, kultura, musika eta trebetasun pertsonalak lantzen dituzte ikasleek Mundu bat bertso proiektuaren bidez. Astero edo hamabostero, ordu batez, bertsolaritzaren oinarrizko ezagutza jasotzen dute ikasleek, urtean zehar egiten diren jaialdietarako bertsoak prestatu eta jendaurrean zelan egon eta zelan jokatu lantzen dute bertsolaritza klaseetan.
Material osagarria, bertso jolas, ariketa berri, entzunaldi, bertso bideo eta ikus entzunezko baliabideez osotuko da eta ikasturtean zehar ekintza anitzak egingo dira.
